القصيده :حاضر وماتطلب على الراس والعين
حاضر وماتطلب على الراس والعين=ولو الف كيلو دون حفلك نجيله
يابن الذي ممشاه بالعز وادين=والطيب والمعروف دايم حصيله
ادين له بالعمر ذكر وعناوين=ويمناه في كسب المراجل طويله
اللي يعد الحق مايقول بعدين=ليا شكاله راعي الحق ميله
عايض ولد عايد ولد أبو قلبين=شيخآ حكى في فعل يمناه جيله
ومن مايقول الحق لو يطرف العين=كل(ن)ترك رايه ولاينشكيله
وانا خوي الطيبين الكريمين=وخوييي الطيب من أي قبيله
ولايهزني هرج الضعوف المساكين=اهل العلوم الاهفيات الهزيله
لو هالزمن طيبه لراع الملايين=ولا يطيب فيه اللي فلوسه قليله
والقل مايعيب رجال(ن)عزيزين=والعذر ستر مدورين الجميله
كم ناس عاشوا بسعاده فقيرين=وكم من غنين بيد الوقت حيله
يامرحبا ترحيب وافي بوافين=ترحيبتآ تشفى النفوس العليله
بسم نهار وفي قريب وبعيدين=وباللي حضر حفله من أي قبيله
باللي حضر واللي على الدرب ماشين=وفي كل من حفله عيونه تخيله
